كوافير في البيت بتاعك من صنع أديكي

دلوقتي نبدأ...........

كتيربيشتكوا من إنهم بيضيعوا وقت كتيييييييير قوي عند الكوافير في عمل المانيكير والباديكير ده غير طبعا الفلوس اللي بيدفعوها كل مرة واللي ممكن بمنتهى البساطة يوفروها خالص.........

عاوزين تعرفوا ازاي..
بصوا معايا .........
قبل ما تبدئي


قبل ما نتكلم على المانيكير والباديكير محتاجين نقول لك على شوية نصايح كده على الماشي لازمة وضرورية للاحتفاظ بصحة وجمال ولمعان أظافرك..

أولا: التغذية


طبعا التغذية دي عامل مهم جدا في الحفاظ على صحة أظافرك علشان كده حاولي إنك تحصلي على غذاء صحي ومفيد بيحتوي على جميع العناصر الغذائية الغنية بالحديد -مثل البنجر والسبانخ والكبدة- والكالسيوم -مثل البيض واللبن- كمان خلّي بالك من أكل المكسرات وخاصة اللوز لأنه بيحتوي على الأحماض الأمينية اللي بيحتاجها الظافر علشان ينمو.


ثانيا: شرب المية
احرصي على شرب كمية كبيرة من الماء خلال اليوم علشان كمية المية اللي إنت بتشربيها بتأثر بشكل كبير على جمال ولمعان أظافرك.

ثالثا:التدخين

للحصول على أظافر لامعة يبقى عليكِ تجنب التدخين نهائيا وده لأن الدخان اللي طالع من السجائر بيترسب على الأظافر وده اللي بيخلي الأظافر لونها أصفر غامق.


رابعا: تقليم الأظافر

عملية تقليم الأظافر دي لها فائدة كبيرة وهي إنها بتحافظ على قوتها ونظافتها وبتنشط الدورة الدموية وده اللي بيضفي عليها مزيد من اللمعان الطبيعي. بس خلي بالك إن المبالغة في التقليم بتؤدي إلى ضعف الظافر.

خامسا: طريقة استخدام المبرد

سادسا: حافظي على أظافرك

أظافرك مش فتاحة علب ولا أداة للكشط علشان كده حاولي إنك ماتستخدميش أظافرك في القيام باعمال قد تؤثر على قوتها وتؤدي إلى تقصفها.. يعني ماتحكيش أظافرك في حاجات معدنية، كمان أحرصي على إن أظافرك تكون دائما رطبة ولينة وده عن طريق استخدام الكريمات المناسبة.



سابعا:أشعة الشمس

خلّي بالك إن أشعة الشمس الحارقة بتأثر على الأظافر، كمان تعرض الأظافر لدرجة الحرارة العالية لفترة طويلة بيعرضها للتشققات والجفاف، يعني حاولي على قد ما تقدري إنك ماتعرضيش أظافرك للحرارة لمدة طويلة.

الباديكير والمانيكير :::::::::::::

استعدي بقى كويس للحكاية.. حضري الحاجات اللي في الصفحة دي ولو مش عندك اشتريها، وعلشان نريحك ع الآخر جايبنها ليكِ بالصور علشان لا تلفي ولا تحتاري وجايبن ليكِ أدوات الباديكير والمانيكير مرة واحدة وتعريف بكل أداة. يلا بينا

الأدوات اللي محتاجها

الموس


وده بيستخدم لإزالة الجلد الميت في الكعبين. وخلّي بالك إن كل مرة لازم تستعملي موس جديد واطمني يا ستي بيتباع هو والموس بتاعه في جميع محلات الخردوات والصيدليات كمان. نصيحة حاولي ماتبدئيش بالموس غير لما تتدربي كويس عليه، ده غير إنه أينعم بيشيل الجلد الميت بس بعد فترة الجلد الميت ده بيطلع تاني. مش محتاجين نقول لك إن الموس بيعور.. لو حصل كده –بعد الشر- لازم تحاولي توقفي الدم بسرعة وتطهري المنطقة دي كويس. وأخيرا لازم تعرفي إنه ممنوع استخدامه لمرضى السكر والضغط وسيولة الدم.

الفرشة



ودي بتستخدميها للتنظيف علشان تشيلي الحاجات اللي بتتجمع تحت الأظافر..



مبرد الأظافر



وده طبعا لبرد أظافر القدمين واليدين وطبعا الأحسن يكون من الخشب..


سنفرة الجلد


وده بيستعمل لتنعيم القدمين..


مبشرة



ودي لإزالة الجلد الميت زيها زي الموس، وممكن اللي ممنوع عليهم استخدام الموس يستخدموا المبشرة.



عود البرتقال

هو اسمه كده.. عامل زي خلة الأسنان بس أعرض، وده بتستخدميه علشان ترجعي جلد الأظافر لورا علشان تتغسل كويس وتقدري تحطي عليها المانيكير.


قصافة+ مقص= 2 ×1

ودي قصافة للأظافر ومقص في نفس الوقت.. هي شكلها طبعا مختلف لأن بيستخدمها المحترفين.



حجر طبيعي



وده برضه بيستخدم للتنعيم..



حجر صناعي
وده شكل تاني وموجود عند الصيدليات..



فيه كمان شوية حاجات تانية زي:
1. وعاء تحطي فيه مية سخنة لإيديك ورجليكِ.
2. فوطة للتنشيف.
3. كريم تقشير.. ممكن تستخدمي نفس النوع اللي بتستخدميه لبشرتك.
4. صابون استحمام سائل ولو مافيش يبقى شامبو.


نبدأ بالباديكي
. هتجيبي الوعاء وتمليه مية سخنة على قد ما تستحملي، وتضيفي شوية سائل الاستحمام أو الشامبو وبعدبن تنقعي رجليكِ حوالي من 1/3 لـ1/2 ساعة أو لغاية ما تحسي إنها باشت.

2. تبدئي تشيلي الجلد الميت سواء بالمبشرة أو الموس أو الحجر.

3. دلوقتي بقى نشفي قدميك وقصي الأظافر وابرديها.

4. ضيفي بقى كريم التقشير وافركي رجليكِ بيه كويس.

5. اغسلي رجليكِ بالمية ونشفيها وحطي كريم مرطب على قدميك وسيبيه لغاية ما يجف.



ودلوقتي المانيكير

ناس كتير فاكرة إن المانيكير هو وضع المانيكير في حين إن معناه هو الاهتمام بالإيدين وهنبدأ دلوقتي.

1. برضه هتجيبي الوعاء وتمليه مية سخنة على قد ما تستحملي وتضيفي شوية سائل الاستحمام أو الشامبو وبعدبن تنقعي إيديكِ حوالي من 1/3 لـ1/2 ساعة.

2. نشفي إيديكِ ورجعي الجلد لورا بعود البرتقال وبعدين قصي الأظافر، ابدئي بالمنتصف ثم الجانبين. وبعدين ابردي الأظافر.

3. وزعي الكريم الخاص بالتقشير وافركي إيديكِ كويس.

4. اغسلي إيديكِ بالمية ونشفيها وبعدين حطي الكريم المرطب.


طلاء الأظافر
لازم تستخدمي لون مناسب للون بشرة إيديك



. هاتي اللون اللي أنت عاوزاه.

2. هاتي طلاء أظافر شفاف. واعملي بيه أول طبقة.

3. ابدئي بدهن خط من منتصف الظافر للأعلى.

4. ادهني كل جانب على حده ويجب أن يطلى الظفر بكامله من ثلاث ضربات للفرشة بس.

5. لو حبيت يطلع اللون تقيل حطي طبقة ثانية وانتظري دقيقة أو أكتر لغاية ما تجف الطبقة الأولى تماما.

6. لو هتطلي أظافر رجليكِ كمان لازم تستعملي السيبراتور ده علشان الحكاية ماتتلحوسش.

لو عاوزة تحافظي على الطلاء لفترة أطول، بعد مرور خمس دقائق على وضع الطلاء، ضعي صوابعك ثواني معدودة في المية الباردة لأن ده بيساعد على تثبيت الطلاء لفترة أطول بيخليه أكثر لمعاناً



وبكده نكون خلصنا كل حاجة خاصة بيكي وانتظروا الوصفات الطبعية قريبا جدااااااااااا ويارب يعجبكم الموضوع